KORESHA AMAZI MU BURYO BWA GIHANUZI
1️⃣ 2 Abami 5:10-14 — Naamani akira ibibembe arobeye mu mazi
. 10. Elisa aherako amutumaho ati “Genda wiyuhagire muri Yorodani karindwi, umubiri uzasubira uko wari uri, nawe uzaba uhumanutse. 11. Nāmani abyumvise ararakara, arivumbura ati “Nahoze ngira ngo ari busohoke ahagarare, atakambire izina ry’Uwiteka Imana ye, arembarembye n’intoki hejuru y’ibibembe, ngo ankize. 12. Mbese inzuzi z’i Damasiko, Abana na Fapa ntiziruta ubwiza amazi yose y’i Bwisirayeli? Sinabasha kuziyuhagiramo ngo mpumanuke?” Nuko arahindukira, arigendera arakaye. 13. Abagaragu be baramwegera baramubwira bati “Data, iyaba uwo muhanuzi yagutegetse ikintu gikomeye, ntuba wagikoze nkanswe kukubwira ngo ‘Iyuhagire uhumanuke.’ 14. Nuko aramanuka, yibira muri Yorodani karindwi nk’uko uwo muntu w’Imana yari yamutegetse. Uwo mwanya umubiri we uhinduka nk’uw’umwana muto, arahumanuka.
✅ Icyo bidusigira:
- Amazi yakoreshejwe nk’ikimenyetso cya guhumanuka, gikura indwara no gusubirana ubuzima bushya.
- Birerekana ko iyo witondeye ijambo ry’Imana, amazi ashobora kuba uburyo bwo kugaragaza isuku y’umwuka no gukira mu buryo bw’itangaza.
2️⃣ Yohana 9:6-7 — Yesu asiga ibisebe by’icyondo, abwira impumyi kujya koga
- Amaze kuvuga atyo acira amacandwe hasi, ayatobesha akondo akamusiga ku maso, 7. aramubwira ati “Genda wiyuhagire mu kidendezi cy’i Silowamu”, (hasobanurwa ngo “Yaratumwe”). Nuko aragenda ariyuhagira, agaruka ahumutse.
✅ Icyo bidusigira:
- Aha amazi y’icyidendezi yabaye uburyo bw’igihamya cyo kongera gukira kw’amaso, guhindura imibereho no guhabwa indi ntera.
- Yesu yashyizeho amahame yo gukoresha amazi mu buryo bwa prophetic act, bifite imbaraga zivuye ku ijambo rye.
💦 UBURYO WAKORESHA AMAZI MU GUSENGA NO GUHUMANURA (PROPHETIC USE OF WATER)
✨ 1. Prophetic cleansing bath (Spiritual Bath)
➡️ Ibikoresho:
- Amazi meza mu kadobo cyangwa mu kiganza cyawe.
- Ushobora kongeramo umunyu cyangwa indabo cyangwa amavuta yera (olive oil).
➡️ Uko ubikora:
- Hagarara cyangwa wicare imbere yayo mazi, ufate umwanya wo gutuza.
- Vuga amagambo agira ati:
“Nk’uko amazi asukura umubiri, ndavuga ko Umwuka Wera ansukura neza umutima, amagambo, n’ibikorwa byanjye. Ndahumanuwe, imivumo irikijwe, intambara z’umwijima ziravanyweho, n’amahoro y’Imana agiye kumvwa ku buzima bwanjye.”
- Ufate ayo mazi uyasuke ku mutwe cyangwa uyihanagure ku maso, ku maboko, ku gituza uvuga amagambo:
“Uyu munsi ndavuze ko ntambutse umupaka w’ibituma ndwara, mvuye mu mwuka w’ubukene, no mu ngoyi zose z’umwijima. Ndiringira UMwami Yesu, nyobora inzira yanjye.”
✨ 2. Gukoresha amazi ku rugo cyangwa akazi
➡️ Fata amazi, usomeho ijambo ry’Imana (Zaburi 51:7 “(7Dore naremanywe gukiranirwa,
Mu byaha ni mo mama yambyariye).
Unsukure uzandese n’umusemburo usembura ikibi murinje nezwe nawe”),
uvuge uti:
“Aha hantu hahindutse ubwami bw’Imana. Imyuka mibi, imivumo n’ubutindi birasohotse. Amazi meza y’Umwuka Wera yaje. Imiryango y’umugisha irakinguwe.”
➡️ Hanyuma ujye ugasuka ku marembo y’inzu, mu biro, cyangwa aho ubika ibintu byawe.
✨ 3. Declaration ku mazi yo kunywa
➡️ Banza ufate icupa ry’amazi cyangwa igikombe, urifate mu kiganza, uvuge uti:
“Nk’uko Yesu yavuze ati 14ariko unywa amazi nzamuha ntazagira inyota rwose iteka ryose, ahubwo amazi nzamuha azamuhindukiramo isoko y’amazi adudubiza kugeza mu bugingo buhoraho.” (Yohana 4:14), Aya ni amazi y’ubugingo. Aho azanyura mu mubiri wanjye, hazakira, hazasubirane, hazagira amahoro n’ubuzima. Amen.”
Hanyuma unywe uvuga uti:
“Nyweye uyu munsi ku buzima, Amahoro, Ubukire n’Icyubahiro.”
🔥 UKO WABIKORA MU GIHANUZI (PROPHETIC DECLARATION WITH WATER)
✅ Fata amazi, ushobora no kuyashyira mu ndobo cyangwa mu ibase nshyashya kuko ukeneye ubuzima bushya.
✅ Shyiraho ijambo ry’Imana:
- “unywa amazi nzamuha ntazagira inyota rwose iteka ryose, ahubwo amazi nzamuha azamuhindukiramo isoko y’amazi adudubiza kugeza mu bugingo buhoraho
✅Vuga declaration:
“Nk’uko amazi asukura umubiri, Uwiteka ansukure mu byaha, mu mivumo, mu ndwara n’amakuba. Amazi meza y’Umwuka Wera asuke mu rugo rwanjye, mu kazi kanjye, no mu muryango wanjye. Ibyangiritse bisubirane, aho hari urupfu haje ubuzima, aho hari igihombo haje inyungu, aho hari imivumo haje umugisha.”
TUGIYE UBURYO WAKORESHA AMAZI UGAFUNGURA IMIRYANGO 4 Y’UMUGISHA KUBUZIMA BWAWE NDETSE WIFASHIJE IJAMBO
📜 1. Declaration y’umuryango (Family Restoration & Protection)
Ibyanditswe byo gusoma mbere:
- 2 Abami 2:19-22 (Elisha ahumanura amazi)
- Zaburi 91:9-11 (Uwiteka ni ubuhungiro)
Declaration:
“Mwami Yesu, nk’uko umunyu wa Elisha wahumanuriye amazi n’ubutaka, nanjye ndavuga ko umuryango wanjye uhumanuwe.
Aho hari imivumo, haza umugisha.
Aho hari indwara, haze gukira.
Aho hari amakimbirane, haza amahoro.
Aya mazi n’uyu munyu ndawusuka mu rugo rwanjye, mu muryango wanjye, mu nzira z’abana banjye.
Mvuga ko urugo rwanjye ruhindutse ubwami bw’Imana.
Malayika Mumurinzi w’Imana ajye ku miryango yacu, n’amaraso ya Yesu adukingire.
Amen.”
💰 2. Declaration ku bukire n’akazi (Financial & Work Breakthrough)
Ibyanditswe byo gusoma mbere:
- Gutegeka kwa Kabiri 28:12 (Uwiteka azaguhindura umutware)
- Zaburi 23:1 (Uwiteka ni mwungeri wanjye, ntacyo nzabura)
Declaration:
“Uwiteka, ndabishyira UBUKIRE N’AKAZI mu maboko yawe uyu munsi.
Nk’uko Elisha yasutse umunyu mu mazi, nanjye nsutse uyu munyu MU mazi ku nzira z’akazi kanjye, ku imishinga yanjye, ku marembo y’amahirwe.
Ndavuga ko amafaranga, ubukire, n’iterambere biza kunsanga.
Icyo nzakora cyose kizashoboKa kuko Uwiteka AKORESHEJE IBYAREMWE BYE NGO BIVANEHO IBYO ABABI BAKORESHEJE BAHUMANYA IBYANJYE.
Aho amafaranga yajyaga anyura akagenda ubusa, aha hagiye kuba inzira z’umugisha.
Imurimo Y’amaboko Yanjye IHAWE UMUGISHA NAWE Mana.
Ndavuga ko ndi umutwe, si NDI umurizo.
Amen.”
💖 3. Declaration ku buzima n’UMWUKA (Healing & Divine Health)
Ibyanditswe byo gusoma mbere:
- Yesaya 53:5 (Yakomerekejwe kubera ibicumuro byacu)
- Yohana 9:6-7 (Yesu abwira impumyi kujya koga akira)
Declaration:
“Mwami Yesu, uyu munsi ndafashe amazi nk’uko Naamani yagiye koga mu Yorodani incuro zirindwi akakira.
Aya mazi AVANZE N’Umunyu ndavuga ko aba isoko y’isuku ku mubiri wanjye, mu maraso yanjye, mu mitsi yanjye, mu mutima wanjye.
Ndatura ko indwara zose zari ziri kubuzima bwanjye zisubira kuwazohereje nicyaziteye.
Nk’uko impumyi yo ku muhanda yagiye koga igasubirana ubushobozi bwo kubona, nanjye ndavuga ko nkize, ndakize, ndakize mu izina rya Yesu.
Igihe cyose nanywera cyangwa nisukuza aya mazi, ndavuga ko nkomeza gukira no gusubirana.
Amen.”
🌟 4. Declaration ku gikundiro n’icyubahiro (Favor & Honor)
Ibyanditswe byo gusoma mbere:
- Zaburi 5:12 (Uwiteka waha umugisha umukiranutsi, ukamukikiza ukamuha igikundiro)
- Matayo 5:13 (Muri umunyu w’isi)
Declaration:
“Mwami Yesu, nk’uko wavuze ko turi umunyu w’isi, nanjye ndavuga ko igikundiro cy’Imana n’abantu BINYOMEHO MPURURIRWE AMAHANGA ANSHAKE ISI IMENYE IZINA RYANJYE MUBYIZA IBYIZA BATUNZE BAMPE.
Nkuko uyu munyu N’AYAMAZI BIsukura ibyo bawushyizemo, nanjye ndavuga ko isura yanjye, amazina yanjye, n’ijambo ryanjye bihumanuwe.
Aho nzajya Hose njye mpabwa icyubahiro, Nemerwe, Mfatwe neza.
Abantu b’ingenzi banyiteho, amarembo y’akazi n’amahirwe afunguke.
Uwiteka Tujye Tujyana mu nzira zanjye zose.
“Urakoze Mwami Yesu ku mugisha, ku gucungurwa, no ku gukomeza inzira zanjye. Amen.”
IZINDI NKURU WASOMA
