Mu rukerera rwo ku wa 22 Nzeri 2025, ku mbuga nkoranyambaga hagaragaye amashusho ateye impungenge agaragaza umuhanzi Weasel arira, ataka ko afatwa nabi n’umugore we Teta Sandra. Aya majwi yaje gukurikirwa n’amakuru avuga ko imodoka ya Teta Sandra yamenaguwe, bikekwa ko ari Weasel wayimenaguye nyuma yo gushyamirana n’uyu mugore.
Amakuru yizewe yemeza ko ibirahure by’iyo modoka byamenwe nyuma y’intonganya zikomeye hagati y’aba bombi. Ababibonye bavuga ko mbere y’uko Weasel atangira kwifata amashusho avuga ko afashwe nabi, yari amaze kwangiza iyo modoka, ari nayo yari aherutse guha Teta Sandra nk’impano.
Mu mashusho yakwirakwijwe ku mbuga nkoranyambaga, Weasel yumvikana avuga ko Teta Sandra yamugonze akamutera imvune ku kuguru ariko ntiyamujyana kwa muganga. Ati: “Ndababaye, ndashaka gutaha mu Rwanda, uyu mugore anyitwaraho nabi.”
Teta Sandra na we yumvikanye muri ayo mashusho abaza ati: “Namutwaye iki?”, asaba ibisobanuro ku cyatumye umugabo we ataka kandi ngo nta kibi yamukoreye.
Ibi bibaye nyuma y’uko muri Mata 2023, Weasel yari yasabye imbabazi Teta Sandra amwinginga ngo asubire iwe, nyuma y’uko uyu mugore yari yaramutaye muri 2022 akaza guhungira i Kigali ari kumwe n’abana babo babiri.
Nubwo ayo mashusho agaragaza urugomo Weasel avuga ko akorerwa, ntiharamenyekana neza igihe yafatiwe n’icyayatumye ashyirwa hanze. Gusa nk’uko bivugwa n’abaturanyi, iyo modoka yangijwe nyuma gato y’uko Weasel avuye mu bitaro aho yari arwariye nyuma yo kugongwa na Teta Sandra.
IZINDI NKURU WASOMA
Amerika igiye guhana urukiko mpuzamahanga rwahanye abategetsi bayo
Igihugu cyo muri Afurika kemerewe kuzakinira umukino wacyo mu Rwanda
