Congo: Umusirikare yarashe uwo yari ashinzwe kurinda

Kuri uyu wa Gatanu tariki 31 Ukwakira 2025, mu gihugu cya Repubulika ya Demokarasi ya Congo   ahagana saa saba z’amanywa umusirikare  ufite ipeti rya Capitaine mu gisirikare cya Congo, (FARDC) yarashwe n’ushinzwe kumurinda ahita apfa.

Ibi byabereye  ahitwa Ngululu muri Teritwari ya Masisi, muri Kivu ya Ruguru  nyuma y’uko aba bombi batumvikanye maze uwari ushinzwe kurinda uyu musirikare ahitamo kumurasa agwa aho.

Amakuru yemeza ko aba bombi bapfuye amafaranga y’agahimbaza musyi aho uyu musirikare yashinjaga uwo yari ashinzwe kurinda kuyarya ntayamugezeho bizamura amakimbirane bityo.

Urubuga actualite.cd ruvuga ko nyuma y’urupfu rw’uriya musirikare, abaturage bagize ubwoba batangira guhunga ako gace.

Amakuru akomeza avuga ko  avuga ko uriya musirikare yaje gufatwa na bagenzi be, akaba ategerejwe kugezwa imbere y’ubutabera ngo abazwe kuri ibyo yakoze.

Muri iki gihe mu Burasirazuba bwa Repubulika ya Demokarasi ya Congo  hari imirwano n’umutekano muke uterwa n’abarwanyi b’umutwe wa Wazalendo Congo ufatanya n’igisirikare cya Congo.

Ni mu gihe kandi  AFC/M23 ikomeje guhanga n’indege z’igisirikare cya Congo ziganjemo izitagira abapiloti hagamijwe kongera kwigarurira imigi yafashwe n’umutwe wa M23.

Gusa ibiganiro byo kugarura umutekano birakomeje  haba Doha ndeste n’ibiri kugirwamo uruhare na leta Zunze Ubumwe za Amerika hagati y’u Rwanda na Repubulika ya Demokarasi ya Congo.