Ingabo za Congo zambuye ibice bishya inyeshyamba za M23

Ingabo za Repubulika ya Demokarsi ya Congo(FARDC)  zifatanyije n’umutwe wa Wazalendo biravugwa ko bigaruriye agace ka  Katoyi nyuma y’imirwano yari imaze iminsi ibashyamiranyije n’umutwe wa M23.

Umugi wa Katoyi uherereye  muri Teritwari ya Masisi.  Kuri ubu imirwano irakomeje hagati y’impande zombi mu bice bya Teritwari ya Walikale, Masisi, na Rutshuru.

Nk’uko ubuyobozi bukuru bw’ingabo bubitangaza, ngo ibi byagezweho nyuma yo gufata ibindi bice, birimo Kazinga, Kasheke, na Bibatama nyuma yo gutsinda umutwe wa M23.

Mu ijoro rya kereye ryo kuri uyu wa Kabiri wa tariki 19 Ugushyingo 2025, kandi byavuzwe ko  inyeshyamba za  AFC / M23 zafashe imidugudu ya Kasheke na Bituna mu Murenge wa Osso Banyungu  muri Teritwari ya Masisi  muri Kivu y’Amajyaruguru.

Umutwe wa M23 wabigezeho nyuma  yo gutsinda  umutwe wa  Wazalendo   Ukorana n’ingabo za Repubulika ya Demokarasi ya Congo(FARDC) mu mirwano ikaze.

Ibi biri kuba mu gihe i Doha muri Qatar  ndetse no muri Leta Zunze Ubumwe za Amerika  hari ibiganiro biri kujya mbere mu rwego rwo gusinya amasezerano y’amahoro  byose bigamije kugarura umutekano mu Burasirazuba bwa Repubulika ya Congo.