Kuri iki Cyumweru tariki 24 Ugushyingo 2025, mu mujyi wa Uvira ho muri Kivu y’Amajyepfo habaye imirwano hagati y’ingabo za Repubulika ya Demokarasi ya Cogo(FARDC) na Wazalendo yasize ihitanye abasirikare bane ba Leta.
Ni imirwano yabaye muri aka gace mu gihe no muri terituwari ya Walikale habaye imirwano hagati ya FARDC ndetse na M23 yasize ingabo za leta zitakaje umujyi wa Buhimba.
Umuvugizi wa FARDC muri Kivu y’Amajyepfo, Lt. Reagan Kalonji Mbuyi, yatangaje ko iriya mirwano yakurikiye akavuyo katejwe na Wazalendo zabanje kurasa amasasu mu mujyi, ibyaciye igikuba muri Uvira.
Kalonji yavuze ko nyuma byabaye ngobwa ko FARDC itabara, imirwano isiga abantu bane ari bo bapfuye, abandi babarirwa muri 14 barakomereka.
Yagize ati: “Gutabara kwa FARDC kwakurikiye ukurasana kutemewe kw’imitwe ibiri, Wazalendo zitari iz’ukuri kwatumye habaho imibare y’agateganyo y’abantu bane bapfuye.
Yakomeje agira Ati: “bapfuye barimo umusirikare umwe wa FARDC, Wazalendo babiri ndetse n’umusivile umwe wari umumotari; na ho abandi 14 barimo abasivile 9, abasirikare babiri ba FARDC ndetse n’aba-Wazalendo batatu barakomereka.”
