Igitangazamakuru cy’imyidagaduro cyo muri Leta Zunze Ubumwe za Amerika (Billboard) cyakoze urutonde rw’indirimbo 50 kivuga ko ari iz’ibihe byose mu njyana ya Afrobeats ikomoka ku mugabane wa Afurika.
Iki kinyamakuru kizwi cyane ku gukora urutonde rw’indirimbo zikunzwe cyane nka “Billboard Hot 100” na “Billboard 200,” kivuga ko iyi njyana ya Afrobeats yatangiye kuzamuka cyane mu mwaka 2000.
Abahanga mu muziki basobanura injyana ya Afrobeats, nk’injyana y’uruvange rw’injyana gakondo nyafurika hamwe n’izirimo hip-hop, R&B, ndetse na dancehall.
Nyinshi mu ndirimbo zo muri iyi njyana ziririmbwa mu rurimi rw’icyongereza no mu zindi ndimi. Nigeria ifatwa nk’igicumbi rw’iyi njyana cyane ko benshi mu bahanzi bazwi bo muri iki gihugu baririmba iyi njyana.
Uru ni urutonde rw’icumi ziza imbere y’izindi:
10. P-Square, “Chop My Money (Remix)” (2012)
9. Burna Boy, “Ye” (2018)
8. Davido, “Fall” (2017)
7. D’banj, “Oliver Twist” (2011)
6. CKay, “Love Nwantiti” (2019)
5. Wizkid feat. Tems, “Essence” (2020
4. Rema, “Calm Down” (2022)
3. Flavour, “Nwa Baby (Ashawo Remix)” (2011)
2. Wizkid, “Ojuelegba” (2014)
1. 2Baba, “African Queen” (2004)
Billboard yavuze ko indirimbo 50 z’ibihe byose za Afrobeats zatoranyijwe bagendeye ku buryo zakunzwe n’ubuhanga zakoranywe.
IZINDI NKURU WASOMA
