Iki ya Rayon Sports y’abagore ikomeje kwitegura CECAFA yo gushaka itike ya CAF Women’s Champions League yongeramo abakinnyi bashya bo kuyifasha.
Iyi kipe yamaze gusinyisha, Umunya-Tanzaniya, Mpanja Housna Ayoub wakiniraga Geita Queens y’iwabo.
Uyu mukinnyi yabaye uwa munani muri iri soko ry’igura n’igurisha ry’abakinnyi ry’iyi mpeshyi Rayon Sports yibitseho kugira ngo irebe ko yazahangana bifatika.
Ku rundi ruhande, Rayon Sports, kuri uyu wa Gatatu yakinnye umukino wa gicuti n’ikipe y’igihugu y’abagore y’abatarengeje imyaka 20 na yo iri kwitegura Nigeria umukino warangiye Amavubi atsinze Rayon Sports igitego kimwe ku busa(1-0).
Imikino ya CECAFA yo gushaka itike ya CAF Women’s Champions League Rayon Sports izitabiri, izatangirana na tariki 4 igeze 16 Nzeri 2025, ibere mu gihugu cya Kenya
Abakinnyi umunani Rayon Sports imaze gusinyisha!
Mpanja Housna Ayoub//Umutoni Raissa// Niyigena Fiona//Uwihirwe Josiane// Lukia Namubiru// Mukagatete Emelyne// Uwase Douja// Eyanga Guema Odette.
Uko Imikino ya Rayon Sports iteye(itsinda B)!
.CBE FC(Ethiopia) vs RAYON SPORTS: 04/09/2025
. RAYON SPORTS vs TOP GIRLS ACADEMY FC: 08/09/2025
