Bobi Wine uzahangana na Museveni mu matora yatangiye kugerwa amajanja

Umunyapolitiki ukomoka mu gihugu cya    Uganda   akaba umwe mu batavugwa rumwe n’ubutegetsi bakomeye muri iki gihugu , Robert Kyagulanyi Ssentamu uzwi nka    ‘Bobi Wine’    yamaganye ibikorwa bya polisi y’igihugu byo  kwibasira ibikorwa  byo kumwamamaze mu gihe muri iki gihugu hateganyijwe amatora y’umukuru w’igihugu mu mwaka 2026.

Bobi Wine ni umwe mu bamaze kwemererwa kuziyamamaza muri aya matora akaba umwe mu bitezwe  kuzahangana     na     Yoweli Kaguta Museveni umaze imyaka isaga 40 ku  butegetsi  akaba  na perezida wa gatatu umaze imyaka myinshi ku butegetsi ku Isi inyuma ya Teodoro Obiang Nguema Mbasogo wa  Equatorial Guinea ndetse na  Paul Biya wa Cameroon mu bihugu bitayoborwa mu buryo bwa Cyami.

Polisi ya Uganda yemeje ko amashusho yagaragajwe hari kwangizwa ibikoresho byifashishwaga mu kwamamaza  Bobi Wine ariyo,   yemeza ko igiye gukora iperereza  kandi hazafatwa ingamba za ngombwa harimo   no   gufata ibihano. Ibi polisi yabitangaje kuri uyu  wa  Kane  wa  tariki 25 Nzeri 2025.

Polisi yavauze ko ibyo bikorwa byagaragaye muri zo videwo byakozwe mu rwego rwo guhosha imvuru nubwo abashyigikiye Bobi Wine ndetse n’abarwanashyaka ba National Unity Platform(NUP), ishayaka rye,  batabikozwa.

Nubwo bimeze bityo ,  ibikorwa bya  Bobi Wine n’ishyaka rye  NUP     byo    kumwamamaza  birakomeje ndetse aherutse gutangaza ko agiye kwiyamamariza kuba Perezid wa Uganda asaba Abagande  bose kumushyigikira.

Mu butumwa yanyujije ku mbuga nkoranyambaga ze, Bobi Wine yashimiye bamwe mu baturage     ba    Uganda ku bwo gukomeza kumugirira icyizere ndetse abasabaa kumwizera bakazamuha amajwi yabo   mu   gihe cyo gutora umukuru w’Igihugu cyabo uzayobora kugeza mu mwaka  2031.

Bobi Wine wagiye agaragaza ko akunda Politike  by’umwihariko izamwicaza   ku   ntebe   y’Umukuru w’Igihugu,   yatangaje urugendo rwe  rwo gushaka kuba Perezida mu mwaka 2021      ubwo      yaganiraga n’abamukurikira ku rukuta rwe rwa  X  ndetse ananenga bikomeye Perezida Yoweli Kaguta Museni umaze igihe kirekire ku butegetsi.

Bobi Wine yagize Ati:”Igihugu cyacu ni kimwe mu Bihugu bikize, iyo bigeze mu butunzi karemano. Rero ikibazo cyacu si uko tudafite ubutunzi. Ikibazo dufite ni uko tudafite ubuyobozi, ubuyobozi bukorera abaturage  aho kubasahura”.

Mu mwaka 2021 ubwo yiyamamazaga  yagaragaje ko hari abatavuga rumwe n’ubutegetsi bwa Uganda,   bahohotewe ,   abandi bakicwa ariko ko agomba gukomeza guhatana ntacike intege kandi akazabishyiraho iherezo.