Impuzamashyirahamwe y’Umupira w’Amaguru ku Isi yashyize hanze urutonde rw’abakinnyi icumi bashobora kwegukana igihembo cy’umukinnyi mwiza w’umwaka (African Footballer of the Year Award);uru rugaragaramo bamwe mu bakinnyi b’ibihangange ku mugabane wa Afurika.
Abakinnyi batatu bakomeye, Achraf Hakimi na Mohamed Salah, nibo bahanganye cyane muri ibi bihembo, nyuma y’uko bafashije amakipe yabo kugera ku byishimo bikomeye mu mwaka ushize.
Achraf Hakimi, nk’umukinnyi ukina inyuma muri Maroc, yabaye inkingi ya mwamba mu ikipe ya Paris Saint-Germain (PSG), afasha ikipe ye kwegukana igikombe cya shampiyona y’u Bufaransa ndetse na Champions League.
Ku rundi ruhande, Mohamed Salah, umukinnyi ukina mu ikipe ya Liverpool, yegukanye igihembo cya Golden Boot muri Premier League gihabwa uwabonye inshundura inshuro nyinshi mu mwaka ushize atsinze ibitego 29 muri mu mwaka w’imikino ushize byanafashije Liverpool kwegukana igikombe cya shampiyona [Premier League].
Iliumani Ndiaye, umukinnyi wa Everton, hamwe na Pape Matar Sarr wa Tottenham Hotspur, nabo bari ku rutonde rw’abakinnyi bashobora gutwara iki gihembo nyuma yo gufasha Senegal kwerekeza mu mukino ya nyuma y’igikombe cy’isi cya 2026.
Uru rutonde runariho abandi bakinnyi bitwaye neza mu mwaka ushize barimo Victor Osimhen wafashije cyane Galatasaray ndetse na Nigeria mu mwaka ushize.
André-Frank Zambo Anguissa wa Cameroun, Fiston Mayele wa DR Congo, Denis Bouanga wa Gabon, Serhou Guirassy wa Guinea na Oussama Lamlioui wo muri Maroc nabo barimo kuri uru rutonde rwa ba myugariro bashobora gutsindira iki gihembo.
Salah yegukanye iki gihembo mu 2017 no mu 2018, mu gihe Hakimi yagiye ku mwanya wa kabiri mu bihe bishize.
IZINDI NKURU WASOMA
