Menya uko imirwano yo kuri iki Cyumweru hagati ya M23 na Wazalendo i Masisi yagenze

Mu gitondo cyo kuri iki Cyumweru tariki  23  Ugushyingo 2025,  hongeye kwaduka imirwano  hagaiti y’umutwe  wa   AFC/M23  ndetse n’umutwe wa Wazelendo.

Ni imirwano  yabereye hafi ya Nyabiondo mu kagari ka Osso Banyungu mu gace  ka  Masisi muri Kivu y’Amajyaruguru  aho ba Wazalendo bashamikiye  ku itsinda rya  APCLS (Alliance of Patriots for a Free and Sovereign Congo) barasanye na M23.

Amakuru yatanzwe n’abatuye aka gace  yemeza ko  byatumye bamwe mu baturage  bahunga kubera urusaku rwinshi rw’amasasu ndetse n’umuriro wayavagaho.

Muri ibi bihe hari ibiganiro byo guhosha intambara hagati y’umutwe wa M23 na Leta ya Congo, hakomeje kuvikana inshuro nyinshi imirwano hagati ya leta ya Congo cyangwa abayishyigikiye n’umutwe wa M23.

Leta ya Congo mu minsi ishize yarimo gukoresha indege zitagira abapiloti zizwi nka  ‘Drone’ mu guhangana na M23 no kugerageza kuba kura mu bice bigaruriye muri Kivu zombi.

Mu rwego rwo gushaka amahoro mu Burasirazuba bwa Congo kuri uyu wa Kane tariki ya 21 Ugushyingo 2025,  Umuyobozi w’Ikirenga wa Qatar, Sheikh Tamim bin Hamad bin Khalifa Al Than yagiriye uruzinduko muri  Republika ya Demokarasi ya Congo nyuma yuruzinduko yagiriye mu Rwanda.

Gusa mu byatangajwe  nk’ibyamugenzaga ubwiyunge bw’ibihugu ntabwo birimo gusa abakurikiranira hafi iby’ibibazo by’umutekano mu karere  bemeza ko nabyo biri mu by’igenzi byazanye Emir wa Qatar.

Haherutse kandi  gusubikwa umuhuro w’abakuru b’ibihugu byombi wagombaga gahagarikirwa na Donald Trump umukuru wa Leta Zunze Ubumwe za Amerika.

IVOMO: ACTUALITE CD