Kuri uyu wa Kabiri wa tariki 04 Kanama 2025, biteganyijwe ko myugariro wa Rayon Sports Youssou Diagne agomba gusesekara mu Rwanda mu rwego rwo gutangira umwaka mushya w’imikino ari kumwe n’abandi.
Uyu Munya-Senegal yatinze kugera mu Rwanda ndetse ntiyabashije gukina imikino yo kwitegura umwaka mushya w’imikino (Pre-season games) Rayon Sports imaze gukina kubera amafaranga atarahabwa.
Ikipe ya Rayon Sports imufitiye amafaranga angana 1 500 by’amadorali ibyatumye yanga kuza nubwo yari yahawe itike y’indege ngo aze gutangira imyitozo y’umwaka mushya hamwe n’abandi.
Nubwo yakererewe kugera mu Rwanda amakuru yemeza ko yari amaze iminsi akora imyitozo mu ikipe y’iwabo ya Association Sportive et Culturelle Jaraaf(ASC Jaraaf).
Youssou Diagne yaje mu ikipe ya Rayon Sports avuye muri Ittihad Zemmouri de Khémisset mu cyiciro cya kabiri muri Maroc, kuva 2021 yari kapiteni wayo ku myaka 27 ubu akaba yarujuje imyaka 28.
Imikino y’ingenzi Rayon Sports imaze gukina n’iyo isigaje!
Umikino: AS Muhanga 0- 4 Rayon Sports
Igihe: 27/07/2025
Aho umukino wabereye: Muhanga Stadium
Isaha: 15:00 PM
Umukino: Rayon sports 2-0 Gasogi United
Igihe : 1/08/2025
Aho umukino wabereye: Nyanza stadium
Isaha: 15:00 PM
Umukino: Rayon sports vs Gorilla FC
Igihe: 6/08/2025
Aho umukino uzabera: Ngoma Stadium
Isaha: 15:00 PM
Umukino: Rayon sports vs Etincelles
Igihe: 09/08/2025
Aho uzabera: Umuganda Stadium
Isaha: 15:00 PM
Umukino: Rayon sports vs Yanga Africans
Igihe: 15/08/2025 (Rayon Day)
Aho umukino uzabera: Amahoro stadium
Isaha:18:00 PM
