Ikipe ya Manchester City yasezeye ku mugaragaro umuybozi mukuru wayo wa Siporo wari uyimazemo imyaka 13, Txiki Begiristain , bamuha imodoka ifite agaciro k’ibihimbi £280 irimo ibara ry’ubururu bw’ikirere rimwe mu yo iyi kipe yamabara
Txiki w’imyaka 61 yasezeye ku nshingano ze muri iyi kipe muri Nyakanga 2025 nyuma y’imyaka 13 yari ayimazemo asimburwa na Hugo Viana wari uvuye mu ikipe ya Sporting CP muri Portugal aho yari umuyobozi wa Siporo.
Manchester City yamushimiye imuha imodoka ifite agaciro k’ibihumbi £280 irimo ibara ry’ubururu bw’ikirere rimwe mu yo iyi kipe y’umutoza Pep Guardiola yamabara ndetse ahabwa ifoto arikumwe n’ibikombe byose 21 yatwaye ari i Manchetser.
Mu gihe cye, yagize uruhare rukomeye mu iterambere rya Manchester City, aho yatwaye ibikombe 21 bikomeye mu mupira w’abagabo. Muri ibyo bikombe harimo:
-
6 bya Premier League (mu myaka 7 ishize)
-
2 FA Cups
-
6 League Cups
-
1 UEFA Champions League
-
1 UEFA Super Cup
-
1 FIFA Club World Cup
Mu myaka ye y’imiyoborere, Manchester City yatoranyijwe kandi nk’ikipe y’umwaka “Club of the Year” inshuro ebyiri zikurikirana mu bihembo bya Ballon d’Or mu mwaka 2022 ndetse na 2023.
Txiki yaje muri Manchester City mu mwaka 2012, nyuma y’uko Manuel Pellegrini yirukanywe, maze mu mwaka 2016 agira uruhare mu kuzana Pep Guardiola nk’umutoza mukuru. Begiristain yari umukinnyi mugenzi wa Guardiola ubwo bakinaga muri FC Barcelona no mu ikipe y’igihugu ya Espagne.
Nk’umuyobozi wa siporo muri Barcelona, yagize uruhare rukomeye mu guhabwa akazi kwa Guardiola muri Barceloan mu mwaka 2008, nubwo yavuye muri iyo kipe mu 2010. Guardiola kenshi yagiye ashimira bikomeye Txiki ku ruharerwe rudacogora.
