Abakinnnyi batatu b’Abanyarwanda, Mugisha Bonheur ‘Casemiro’ ukinira Al Masry yo mu Misiri, Buregeya Prince ukinira Nairobi United ndetse na Ntwari Fiacre wa Kaizer Chiefs babashije kugera mu matsinda y’imikino Nyafurika ya CAF Confederation Cup.
Mugisha Bonheur na Al Masry basezereye Al Ittihad yo muri Libya. Umukino ubanza wabereye muri Libya, amakipe yombi yanganyije 0-0 mu gihe umukino wo kwishyura wabaye ku munsi we’jo Al Masry yatsinze ibitego 2-1 bahita bagera mu matsinda ya CAF Confederation Cup.
Muri uyu mukino Casemiro yakinnye iminota 90.
Nairobi United yo muri Kenya yaraye isezereye Esperance Sportif du Sahel yo muri Tunisia kuri penaliti 7-6, hari nyuma y’uko amakipe yombi yanganyije ibitego 2-2 mu mikino yombi.
Umukino ubanza wabereye Kenya, Nairobi yabatsinze 2-0, umukino waraye ubereye muri Tunisia, Esperance yabatsinze 2-0 bahita bitabaza penaliti maze Nairobi iba ari yo ikomeza.
Si abo gusa kuko na Ntwari Fiacre we na Kaizer Chiefs bageze mu matsinda ya CAF Confederation Cup basezereye AS Simba yo muri DR Congo bayitsinze 3-1, umukino ubanza wabereye muri Congo banganyije 0-0.
IZINDI NKURU WASOMA
